Cyfle – Interniaeth Mentera
Carys Evans, 2024 Intern
“Roedd y cyfleoedd a gefais wrth fod yn rhan o Cyfle yn amhrisiadwy. Yn sicr, roedd y profiadau wedi fy helpu i benderfynnu fy mod am weithio o fewn y diwydiant amaeth yng Nghymru. Roeddwn wrth fy modd yn ymweld â ffermydd ar hyd a lled Cymru yn gwneud gwaith ymarferol. Yn ogystal, roedd cael y profiad o fod yn rhan o dîm gweithgar yn un positif, fe wnes i fwynhau pob eiliad.”
Cyfle arbennig...
Rhwng mis Mai a mis Gorffennaf a/neu fis Medi a mis Hydref 2025, byddwn yn cynnig cyfle i ddau unigolyn ifanc gael profiad ymarferol yn y meysydd canlynol o dîm Cyswllt Ffermio:
- Y Ganolfan Wasanaeth: Ennill profiad ym meysydd gweithrediadau craidd a gweinyddol Cyswllt Ffermio.
- Swyddogion Datblygu: Cydweithio ar brosiectau sy'n anelu at wella arferion ffermio a chynaliadwyedd.
- Swyddogion Marchnata a Digwyddiadau: Cynorthwyo i hyrwyddo a gweithredu mentrau Cyswllt Ffermio, gan gynnwys digwyddiadau Ein Ffermydd.
- Swyddogion ac Arbenigwyr Sector: Gweithio ochr yn ochr ag arbenigwyr ar draws rhwydwaith o ffermydd, gan gasglu data a monitro prosiectau arloesol.
- Casglu Data ar Ffermydd a Monitro Prosiectau: Cynnal gwaith maes, casglu gwybodaeth hanfodol, ac arsylwi gweithrediad prosiectau ar ffermydd amrywiol.
- Paratoi ar gyfer Digwyddiadau Ein Ffermydd: Cyfrannu at y gwaith cynllunio a logistaidd ar gyfer digwyddiadau Ein Ffermydd, sydd i'w cynnal ledled Cymru ym mis Medi.
- Mentora: Dysgu wrth i chi weithio gyda mentor dynodedig i ddarparu cefnogaeth barhaus.
- Datblygu Gyrfa: Datblygwch eich rhagolygon gyrfa gydag adborth rheolaidd ar interniaeth wedi'i theilwra ar eich cyfer chi.
Gwenan Owen, 2023 Intern
"Wedi graddio o Aberystwyth, bu interniaeth Mentera gyda Cyswllt Ffermio yn drawsnewidiol. Cynigiodd gyfleoedd amhrisiadwy yn y sector amaethyddol, gan ddarparu gwybodaeth ddofn o'r diwydiant a chysylltiadau proffesiynol hanfodol. Cyfrannodd y profiad hwn yn uniongyrchol at fy llwyddiant yn fy rôl bresennol gyda’r cwmni. Rwy'n argymell yr interniaeth hon yn fawr i unrhyw un sy'n angerddol am amaethyddiaeth - gall siapio'ch llwybr gyrfa yn sylweddol."
