Smart Agriculture IoT Trials

Mae 16 fferm ledled gogledd Cymru wedi cael cyfle i dreialu’r technolegau digidol diweddaraf sydd wedi’u dylunio i fynd i’r afael â rhai o’r heriau maen nhw’n eu hwynebu. Bydd pŵer y Rhyngrwyd Pethau (IoT) a thechnolegau LoRaWAN (Long Range Wide Area Network) yn ganolog i’r rhwydwaith cyffrous newydd hwn i ffermwyr. Ariennir y prosiect Treialon IoT Amaethyddiaeth Glyfar yn llawn gan Gronfa Ffyniant Gyffredin y DU, ac fe’i darperir gan gwmni Mentera ar ran Uchelgais Gogledd Cymru drwy ei Raglen Ddigidol.

Dyma fanylion y ffermydd sy’n rhan o’r cynllun:

Thomas Bletcher, Fferm Argoed Hall, Yr Wyddgrug

Iechyd a Lles y Fuches: Amgylchedd a Dŵr Gwartheg Dan Do

Llaeth
300 hectar
450 o fuchod
Mae’r busnes yn cadw ei anifeiliaid cyfnewid ei hun
Mae’n tyfu ei wenith ac indrawn ei hun

Cynnal iechyd a lles y fuches:

Monitro amodau amgylcheddol siediau (tymheredd, lleithder a CO2) i sicrhau lle byw addas a chyfforddus er mwyn sicrhau bod yr anifeiliaid mor fodlon â phosibl.

Monitro’r defnydd o’r tanc dŵr yn siediau’r fuches laeth i sicrhau bod dŵr glân yn cael ei gyflenwi’n barhaus – os yw’r defnydd o ddŵr yn lleihau’n sylweddol / yn stopio, gall cafnau gael eu baeddu.

Synwyryddion Tymheredd, Lleithder a CO2 (SenseCap S2103)
Synwyryddion Llif Dŵr Awyr Agored ar gafnau (Dragino SW3L-LB/LS)

Rhodri Jones, Brynllech, Gwynedd

Monitro’r System Ddŵr: Canfod Problemau Cyflenwi

Fferm fynydd
265 hectar
Biff a Defaid

Mae’r busnes yn cadw ei anifeiliaid cyfnewid ei hun

Mae’n gwella ei hunangynhaliaeth o ran protein ar gyfer y da byw drwy wneud y defnydd mwyaf o borthiant (glaswellt, meillion gwyn a choch)

Mae’n monitro’r system ddŵr sydd newydd ei datblygu ar y fferm i ganfod problemau’n gynnar a mesur effeithlonrwydd ac argaeledd dŵr, gan gynnwys glawiad, er mwyn gwneud penderfyniadau rheoli gwybodus.

Synwyryddion Canfod Pellter Uwchsain (Dragino DDS75-LB/LS)
Synhwyrydd Tywydd LoRaWAN ‘8 mewn 1’ (SenseCap S2120)
Synwyryddion Llif Dŵr Awyr Agored (Dragino SW3L-LB-010)

David Williams, Fferm Clawdd Offa, Sir y Fflint

Monitro’r Pridd a’r Tywydd i Optimeiddio’r Cynhyrchiant o Laswellt

Fferm Laeth
150 hectar
260 o wartheg Jersey X yn lloia
Godro unwaith y dydd
System sy’n seiliedig ar borfa

Monitro’r Pridd a’r Tywydd i Optimeiddio’r Cynhyrchiant o Laswellt

Synhwyrydd tywydd i fonitro amodau amgylcheddol ledled y fferm, nodi patrymau a chydberthnasoedd â lleithder ac iechyd y pridd, ac wedi hynny gyda’r cynhyrchiant o laswellt.

Mesur amodau’r pridd (tymheredd, lleithder ac EC) i wneud penderfyniadau rheoli gwybodus.

Synhwyrydd Lleithder Pridd, Tymheredd ac EC
Synhwyrydd Tywydd LoRaWAN ‘8 mewn 1’ (SenseCap S2120)

David Round, Cwr Du, Llanfairpwll

Synhwyro Pridd Perllan i Gynhyrchu Ffrwythau yn Effeithlon

Fferm 70 acer sy’n canolbwyntio ar arallgyfeirio
Organig
Diadell fechan o ddefaid brid prin
Prif ffocws arallgyfeirio: coed ffrwythau arbenigol/uchel eu gwerth, sef eirin ysgaw a helyg y môr a chynhyrchion uniongyrchol i ddefnyddwyr (diodydd)
Fferm solar fechan

Synhwyro pridd mewn perllan i gynhyrchu ffrwythau’n effeithlon.

Trosglwyddydd Synhwyrydd Lleithder Pridd ac EC (Dragino SE0X-LB)
Synhwyrydd pH Pridd (Dragino SPH01-LB)

Llyr Jones, Derwydd, Llanfihangel Glyn Myfyr

Canfod Problemau mewn Sied Ddofednod: Dŵr a Golau

Llaeth, Biff a Defaid
Ieir Dodwy Maes ac Organig
Yn cyflenwi wyau i Tesco
Fferm ucheldir
500 hectar

Canfod problemau mewn sied ddofednod: dŵr a golau:

Monitro’r dwyster golau yn y siediau dofednod. Anfonir rhybudd pan fydd yn wahanol i’r amodau gorau posibl, yn enwedig ar adegau pan nad yw staff yn bresennol (dros nos).

Monitro argaeledd dŵr a nodi problemau cyflenwi dŵr yn brydlon er mwyn sicrhau cyflenwad parhaus, glân o ddŵr ac atal cymhlethdodau posibl.

Synhwyrydd Dwysedd Golau Di-wifr (SenseCap S2102)
Synwyryddion Canfod Pellter Uwchsain (Dragino DDS75-LB/LS)
Synwyryddion Llif Dŵr Awyr Agored (Dragino SW3L-LB)

Rhodri Wyn Jones, Fronalchen, Gwynedd

Monitro’r System Ddŵr: Canfod Problemau Cyflenwi

Fferm Biff a Defaid
120 hectar
Fferm Iseldir ac Ucheldir
Magu lloi
Arallgyfeirio – Maes Gwersylla a Pharc Carafannau Fronalchen

Monitro’r system ddŵr ar y fferm:

Monitro’r system ddŵr ar y fferm i ganfod problemau’n gynnar a mesur argaeledd dŵr, gan gynnwys glawiad, a hygyrchedd mewn caeau ar wahân (dŵr mewn tanciau) er mwyn gwneud penderfyniadau rheoli gwybodus.

Gorsaf dywydd i fonitro amodau amgylcheddol ledled y fferm, sy’n ddefnyddiol i sefydlu rhybuddion ar gyfer trothwy tymheredd o amgylch rhewi (rheoli pibellau rhewi).

Synwyryddion Canfod Pellter Uwchsain (Dragino DDS75-LB/LS)
Synhwyrydd Tywydd LoRaWAN ‘8 mewn 1’ (SenseCap S2120)
Synwyryddion Llif Dŵr Awyr Agored (Dragino SW3L-LB-010)

Huw Roberts, Fferm Hafod Wen, Wrecsam

System Rybuddio ar gyfer Gweithrediadau a Diogeledd y Fferm

Buchod Lim X Sugno
Fferm 60 hectar
Mae’r fferm yn cadw ei heffrod cyfnewid ei hun
Mae’n tyfu 40 erw o ŷd bob blwyddyn

System Rybuddio Gweithrediadau a Diogeledd y Fferm

Monitro’r felin fwydo a’r cymysgydd i ddiffodd unwaith y bydd y bin storio yn llawn.

Gwella system ddiogeledd y fferm gan ddefnyddio synwyryddion sy’n ymateb i symudiad cerbyd ar y lôn/iard. Bydd monitro o bell gan ddefnyddio system rybuddio yn rhoi tawelwch meddwl pan fydd staff i ffwrdd.

Synhwyrydd Pellter Radar Microdon (Dragino MDS120-LB/LS)

Synhwyrydd Torri Pelydryn Is-goch

Phillip Hughes, Swyddfa Hendwr, Corwen

Giatiau Clyfar ar gyfer Diogelwch Da Byw

Biff a Defaid
> 400 hectar ar wasgar dros sawl parsel o dir
80 hectar o iseldir, 80 hectar o ffridd, 240 hectar o dir mynydd
1000 o famogiaid bridio wedi’u rhannu’n ddwy ddiadell
Yn magu 280 o loi biff ar gontract
Mae arallgyfeiriadau yn cynnwys safle gwersylla a gwaith treulio anaerobig

Synwyryddion agor/cau giatiau: Mae trespaswyr yn achosi problemau’n gyson mewn ardaloedd bryniog anghysbell drwy adael gatiau ar agor

Giât Awyr Agored LoRaWAN 4G/Solar
Synhwyrydd Cau/Agor Drysau/Giatiau Awyr Agored (Dragino DS03A-LB/LS)

Dylan Hughes, Llanllibio Groes

Monitro’r Pridd a’r Tywydd i Optimeiddio’r Cynhyrchiant o Laswellt

Biff a Defaid
240 o aceri yn un ar gyfer biff a defaid
350 o aceri ar gyfer pori yn y gaeaf
400 o famogiaid bridio ynghyd â 130 o loi stôr
Ŵyn ym mis Rhagfyr, mis Chwefror a mis Mawrth, tewhau ŵyn gartref.

Monitro’r pridd a’r tywydd i optimeiddio’r cynhyrchiant o laswellt

Trosglwyddydd Synhwyrydd Lleithder Pridd ac EC (Dragino SE0X-LB)
Synhwyrydd pH Pridd (Dragino SPH01-LB)
Synhwyrydd Tywydd LoRaWAN ‘8 mewn 1’ (SenseCap S2120)

James Gould, Meadow House, Wrecsam

Monitro’r System Ddŵr: Canfod Problemau Cyflenwi

Ffermio defaid
Fferm iseldir
52 hectar
110 o ddefaid
Caeau pori is sy’n dueddol o gael llifogydd (mor isel â 10 troedfedd uwchben lefel y môr)
Mae’r caeau wedi’u rhannu’n padogau ar gyfer pori cylchdro

Monitro cyflenwad dŵr y prif gyflenwad i olrhain defnydd, pwysedd, a chanfod gollyngiadau posibl a phroblemau cyflenwi sy’n digwydd (mesuryddion llif dŵr, mesurydd pwysedd).

Synhwyrydd Pwysedd Dŵr/Aer (Dragino PS-LB)
Synwyryddion Llif Dŵr Awyr Agored (Dragino SW3L-LB-010)
Mesurydd Dŵr Clamp a Synhwyrydd Gollyngiadau

Sian a Llion Jones, Moelogan Fawr, Llanrwst

Monitro’r System Pwmp Dŵr Solar: Canfod Namau ac Olrhain Defnydd

Dechreuwyd rheoli’r fferm yn 2018
150 o wartheg Stabiliser
800 o famogiaid mynydd Cymreig
Fferm fynydd ag iddi fannau sydd wedi’u gwella’n sylweddol
330 hectar

Monitro’r System Pwmp Dŵr Solar: Canfod Namau ac Olrhain Defnydd

Synhwyrydd Pwysedd Aer/Dŵr – Math Trochi (PS-LB/LS-I)
Synwyryddion Llif Dŵr Awyr Agored (Dragino SW3L-LB-010)
Synhwyrydd Tywydd LoRaWAN ‘8 mewn 1’ (SenseCap S2120)
Synwyryddion Canfod Pellter Uwchsain (Dragino DDS75-LB)

Sion Roberts, Pennant, Powys

Gwella Iechyd a Chynhyrchiant Da Byw: Iechyd y Pridd, Dŵr, a Rheoli Siediau

Fferm fynydd
325 hectar
Biff a Defaid
Yn magu lloi hyd nes eu bod yn 12 mis oed
Cedwir diadell o ddefaid mynydd Cymreig a diadell groesfrid, a gwerthir ŵyn tewion yn fyw
Arallgyfeirio’r busnes fferm: Cabanau gwyliau gwledig (Gwyliau Pennant Holidays)

Gwella Iechyd a Chynhyrchiant Da Byw:

Mesur argaeledd dŵr a nodi problemau o ran y cyflenwad dŵr os byddan nhw byth yn digwydd.

Mesur a monitro amgylchedd siediau’r lloi er mwyn sicrhau’r iechyd a’r perfformiad gorau posibl.

Mesur amodau’r pridd (tymheredd a lleithder) i wneud penderfyniadau rheoli gwybodus.

Synwyryddion Tymheredd, Lleithder a CO2 (SenseCap S2103)
Synwyryddion Canfod Pellter Uwchsain (Dragino DDS75-LB)
Trosglwyddydd Synhwyrydd Lleithder Pridd ac EC (Dragino SE0X-LB)

Gareth Foulkes, Pentrefelin, Dinbych

Monitro Glaw, Iechyd Pridd, Dŵr Ffo a Chymylogrwydd Afon

Godro ar Raddfa Fechan, Gwartheg Biff Llaeth, Garddwriaeth, Dofednod, Mêl
60 hectar
Fferm iseldir
Arallgyfeirio: Siop fferm sy’n gwerthu cynnyrch a chynhyrchion cartref

Nodi patrymau a chydberthnasoedd â glawiad, lleithder pridd, dŵr ffo a dyddodion gwaddod a chymylogrwydd yr afon ar wahanol bwyntiau.

Trawsnewidydd Synhwyrydd Ansawdd Dŵr/Cymylogrwydd (Dragino WQS-LB)
Synhwyrydd Tywydd LoRaWAN ‘8 mewn 1’ (SenseCap S2120)
Synhwyrydd pH Pridd (Dragino SPH01-LB)
Trosglwyddydd Synhwyrydd Lleithder Pridd ac EC (Dragino SE0X-LB)
Synhwyrydd Pwysedd Aer/Dŵr – Math Trochi (Dragino PS-LB/LS-I)

Andrew Gresty, The Cloy, Wrecsam

Monitro Clyfar o Ffensys Trydan i Ymateb i Ddiffygion a’u Trwsio

Fferm iseldir
75 hectar
Gwartheg biff a sugno
Henffordd X

Monitro Clyfar o Ffensys Trydan i Ymateb i Ddiffygion a’u Trwsio ar unwaith:

Monitro’r cyflenwad o bŵer ar hyd yr ardaloedd o ffensys trydan ledled y fferm i nodi diffygion ar unwaith a darparu rhybudd am foltedd isel neu broblemau posibl. Bydd hyn yn caniatáu atgyweiriadau prydlon, gan sicrhau bod y ffensys yn parhau i fod yn effeithiol, ac yn arbed amser o’i gymharu â gwiriadau â llaw.

Synwyryddion Monitro Ffensys Trydan (FENCYBOY)

Aled Lloyd Owen, Tyn y Bryn, Abergele

Iechyd Anifeiliaid: Gwella Ffrwythlondeb y Fuches Sugno

Defaid a buches sugno
56 hectar a thir comin
200 o famogiaid Cymreig ynghyd â 100 o famogiaid croesfrid a diadell fechan o ddefaid Wyneblas Caerlŷr pedigri
12 o heffrod sugno, gyda tharw ar log

Iechyd Anifeiliaid: Gwella Ffrwythlondeb y Fuches Sugno:

Monitro ymddygiad yr heffrod a gweithgarwch y tarw i sefydlu a yw’r tarw sydd ar log yn gweithio.

LoRaWAN GPS/Olrhain Symudiad (MOKO LW001-BG PRO)

Huw Jones, Fferm Pen-lan, Clwyd

System Rybuddio sy’n Olrhain Gweithrediadau ac Asedau’r Fferm.

Fferm Defaid a Biff
Fferm ucheldir
354 hectar
System sy’n seiliedig ar laswelltir
Arallgyfeirio – Coed Nadolig a Llety Gwyliau

Gwella Diogeledd y Fferm gan Ddefnyddio Systemau Rhybuddio sy’n Olrhain Asedau a Gweithrediadau.

Gwella system ddiogeledd y fferm gan ddefnyddio synwyryddion agor/cau a synwyryddion olrhain asedau. Bydd monitro o bell â system rybuddio yn rhoi tawelwch meddwl pan fydd staff i ffwrdd o’r fferm.

LoRaWAN GPS/Olrhain Symudiad (MOKO LW001-BG PRO)
Synwyryddion Monitro Ffensys Trydan (FENCYBOY)
Synhwyrydd Cau/Agor Drysau/Giatiau Awyr Agored (Dragino DS03A-LB/LS)