![\"\"](\"https:\/\/mentera.cymru\/wp-content\/uploads\/2024\/06\/Llyr-Roberts_Website-1024x683.jpg\")
<\/p>\n<\/p>\n
Mentera yw prif gwmni datblygu busnes annibynnol Cymru. Rydym yn helpu i wneud i bethau ddigwydd. O\u2019r fro i\u2019r byd, rydym yn rhoi\u2019r cyfle i fusnesau fod o safon ryngwladol. Gyda phecynnau cymorth wedi’u teilwra, mynediad at gyfleoedd, a gwerth 35 mlynedd o arbenigedd, profiad a chysylltiadau, byddwn yn sicrhau bod eich busnes y gorau y gall fod.<\/p>\n
Eleni, cymerodd 76% o staff Mentera ran yn ein harolwg staff blynyddol. Fel Prif Weithredwr Mentera, rwy’n ddiolchgar i aelodau\u2019r t\u00eem am gymryd yr amser i gwblhau’r arolwg ac am fod yn onest gyda’u hatebion. Er bod y canlyniadau’n rhoi digon o achos i ni ddathlu a bod yn optimistaidd yn eu cylch, maen nhw hefyd yn rhoi adborth amhrisiadwy inni i adeiladu a gwella arno.<\/p>\n
I arweinwyr unrhyw gwmni, gall yr arolwg staff blynyddol fod yn gyfnod nerfus. Ond nid yw poeni am yr hyn y mae eich t\u00eem yn ei feddwl mewn gwirionedd yn ddim rheswm i beidio \u00e2 gofyn y cwestiynau pwysig. Heb y mewnwelediad y mae eich canlyniadau’n ei roi i chi, sut gallwch chi wybod ble i ganolbwyntio’ch ymdrechion a ble mae angen i chi wella?<\/p>\n
Mae canlyniadau eich arolwg yn rhoi cipolwg hollbwysig i chi o ddiwylliant eich cwmni \u2013 ac mae diwylliant y cwmni yr un mor bwysig ag unrhyw un o\u2019r dangosyddion perfformiad eraill. Gall wneud neu dorri’ch cwmni \u2013 os cewch chi\u2019r diwylliant yn iawn, mae gennych chi gynhyrchiant uchel, mor\u00e2l da, timau ymgysylltiedig a gweithwyr hapus. Os cewch chi\u2019r diwylliant yn anghywir, neu os methwch \u00e2 chreu\u2019r amgylchedd cywir i adael i\u2019r diwylliant cywir ffynnu, gall fwrw\u2019ch strategaeth fusnes i gyd oddi ar y cledrau!<\/p>\n
Cynhaliwyd yr arolwg hwn yn fuan ar \u00f4l i ni lansio ein strategaeth newydd \u2013 O’r Fro i’r Byd \u2013 a\u2019r enw a\u2019r brand newydd (Menter a Busnes oeddem yn flaenorol), felly mae’r ffaith bod 91% o’r t\u00eem wedi dweud eu bod yn deall ein pwrpas, ein gweledigaeth a’n hegwyddorion yn wych.<\/p>\n
Yr un mor gadarnhaol yw’r ffaith bod 90% wedi dweud eu bod yn falch o weithio yma a byddai 87% yn ei argymell fel lle da i weithio. Mae enw da mor bwysig y dyddiau hyn. Mae newyddion da am ddiwylliant eich busnes yn lledaenu’n gyflym; i’r gwrthwyneb, mae newyddion drwg yn teithio hyd yn oed yn gyflymach!<\/p>\n
![\"\"](\"https:\/\/mentera.cymru\/wp-content\/uploads\/2024\/10\/Feedback-Insta-Carousel-NAVY-04-1024x1024.jpg\")
\nYn ystod y 12 mis diwethaf, rydym wedi cyflwyno polis\u00efau gweithio hybrid a gweithio hyblyg newydd, gan annog mwy o amser yn y swyddfa i feithrin cydweithrediad agosach. Rydym hefyd yn caniat\u00e1u gweithio hyblyg i gynorthwyo gyda bywyd y tu hwnt i\u2019r gwaith. Felly mae gweld bod 91% yn cymeradwyo\u2019r polisi gweithio hyblyg a 89% yn dweud bod ganddyn nhw gydbwysedd da rhwng bywyd a gwaith yn anhygoel i’w weld \u2013 ac mae’n awgrymu ein bod ar y trywydd cywir.<\/p>\n
![\"\"](\"https:\/\/mentera.cymru\/wp-content\/uploads\/2024\/10\/Feedback-Insta-Carousel-NAVY-06-1024x1024.jpg\")
<\/p>\n
Darparwr yw Mentera \u2013 ac ymfalch\u00efwn mewn 35 mlynedd o ddarparu gwasanaethau o safon uchel i helpu busnesau yng Nghymru i dyfu a ffynnu. Felly efallai mai’r ystadegyn gorau oll yw bod 97% o’r t\u00eem yn meddwl ein bod yn cynnig gwasanaethau o safon uchel.<\/p>\n
Nid yw casglu adborth ac ymgysylltu \u00e2 staff yn ddigwyddiad a wneir ond unwaith, ac rwy’n gwybod nad oes lle i hunanfodloni yma. Mae’n rhaid i ni wrando ar bob darn o adborth a chymryd camau pan nad yw’r canlyniadau lle rydym am iddyn nhw fod.<\/p>\n
Eleni, mae aelodau\u2019r t\u00eem wedi dweud bod angen i ni wneud mwy i’w helpu i gyrraedd eu dyheadau gyrfa ac i’w helpu i dyfu. Mae 73% o’r farn ein bod yn gwneud digon a’u bod yn cael cyfleoedd i ddatblygu eu sgiliau, ac mae 63% yn ymwybodol o’r cyfleoedd sydd ar gael iddyn nhw, sydd wedi gostwng o 70% y llynedd. Felly mae’n amlwg bod angen i ni wneud mwy gyda\u2019n pecyn hyfforddi a sicrhau bod pobl yn gwybod beth sydd ar gael iddyn nhw.<\/p>\n
![\"\"](\"https:\/\/mentera.cymru\/wp-content\/uploads\/2024\/10\/Feedback-Insta-Carousel-NAVY-09-1024x1024.jpg\")
<\/p>\n
Mae’r niferoedd sy\u2019n gweithio oriau anghymdeithasol sawl gwaith yr wythnos wedi cynyddu ychydig ers y llynedd, o chwarter i draean. Er bod cyfran dda o hynny yn ddewis unigol, roedd llawer ohono yn sgil natur ein gwaith a\u2019r angen i fynychu digwyddiadau, ac felly mae angen i ni gadw llygad barcud ar les staff a sicrhau bod pobl yn cymryd amser i adennill eu hegni mewn cyfnodau tawelach.<\/p>\n
Mae gennym waith i’w wneud hefyd ar rai agweddau ar gynhwysiant. Er mai barn ein staff yn gyffredinol yw ein bod yn weithle cynhwysol i bobl \u00e2 nodweddion gwarchodedig, gwelwyd gostyngiad o 13% o’r llynedd hyd eleni yn nifer y staff sy’n cytuno ein bod yn gynhwysol ar gyfer pobl anabl. Dyma’r union fath o adborth sy’n gwneud i mi eisiau archwilio’r rhesymau y tu \u00f4l iddo, ac i weithio i wella ein cwmni trwy wneud newidiadau bywyd go iawn i sut rydym yn gweithredu a chyfathrebu ein hymrwymiad i greu gweithle cynhwysol. Roeddem yn falch o gadw ein hachrediad Safon Aur Ymrwymedig i Gydraddoldeb (C2E) eleni, ond nid da lle gellir gwell.<\/p>\n
![\"\"](\"https:\/\/mentera.cymru\/wp-content\/uploads\/2024\/06\/meet-the-team-1024x427.jpg\")
<\/p>\n
Mae cwmni’n dibynnu ar ei d\u00eem am lwyddiant. Mae Mentera yn cyflogi dros 170 o bobl. Y bobl yma sy’n ymdrechu’n galed bob dydd i gyflawni ein gweledigaeth a’n strategaeth, gan alluogi a grymuso busnesau Cymru i fentro a ffynnu \u2018o\u2019r fro i\u2019r byd\u2019, er mwyn creu economi ffyniannus.<\/p>\n
Wrth i ni adeiladu ar gyfer y dyfodol, byddaf yn parhau i wrando a dysgu o adborth ein staff yn fy ymrwymiad i ragoriaeth a dysgu\u2019n barhaus ym mhopeth a wnawn. Rydym wedi ymrwymo i gymryd unrhyw gamau a fydd yn arwain at newid cadarnhaol yn ein cwmni; er mwyn gwneud ein gweithle yn fwy effeithiol ac effeithlon. Mewn blwyddyn lle rydym wedi datblygu a lansio strategaeth, brand ac enw newydd i\u2019r cwmni, rwy’n hynod falch bod y t\u00eem yn gefnogol i’n cyfeiriad a’n huchelgais.<\/p>\n
<\/p>\n
<\/p>\n","protected":false},"excerpt":{"rendered":"