Mae SBARC Ceredigion yn ei hôl!
Adeiladu ar Sylfaen Lwyddiannus.
Profodd prosiect cyntaf SBARC Ceredigion i fod yn hynod effeithiol, gan roi profiadau dysgu amhrisiadwy i 24 o entrepreneuriaid uchelgeisiol. Mae’r bennod newydd hon yn adeiladu ar y sylfaen honno, gan ehangu ein cyrhaeddiad i danio’r ysbryd entrepreneuraidd ledled y sir.
Cyflwynir gan Mentera ar ran Cyngor Ceredigion.
Pa lwybr sy’n iawn i chi?
Mae SBARC Ceredigion yn cynnig tair rhaglen wedi’u teilwra…
Sbarduno: Ysbrydoli’r Genhedlaeth Nesaf
Sbarduno: Ysbrydoli’r Genhedlaeth Nesaf
Ar gyfer Ysgolion a Sefydliadau Ieuenctid
Mae’r lefel hon yn canolbwyntio ar ennyn diddordeb ymhlith pobl ifanc trwy sesiynau unigryw ar entrepreneuriaeth.
Os hoffech chi drefnu Gweithdy Busnes ar gyfer eich ysgol, clwb neu sefydliad ieuenctid, cysylltwch â ni drwy ebostio sbarc@mentera.cymru.
Tyfu: Datblygu Eich Syniad
Tyfu: Datblygu Eich Syniad
Ar gyfer Entrepreneuriaid Uchelgeisiol sydd â Syniad Busnes
Ar gyfer unigolion sydd wrthi’n datblygu syniad busnes. Bydd y garfan Tyfu yn ennill profiadau amhrisiadwy yn ystod tri phenwythnos preswyl dwys.
Dyddiadau a Gofynion Allweddol:
Preswyl 1: 26-28 Medi
Preswyl 2: 28-30 Tachwedd
Taith breswyl i wlad arall: (dyddiad a lleoliad i’w gadarnhau).
Dyddiad Cau Ceisiadau: 4 Awst 2025
Rhaid i bob ymgeisydd llwyddiannus gymryd rhan yn y cyrsiau yng Ngheredigion.
Ffynnu: Datblygu ac Ehangu
Ar gyfer Perchnogion Busnesau Sefydledig.Mae’r rhaglen cymorth busnes ddwys hon, sy’n rhedeg o fis Medi tan fis Rhagfyr 2025, yn cyfuno cymorth 1:1, cyngor arbenigol, hyfforddiant busnes, a sesiynau grŵp i ysgogi twf go iawn. Mae’r rhaglen wedi’i theilwra ar gyfer pob busnes.
Amcanion y Rhaglen:
- Diffinio twf (ariannol, gweithredol, strategol, neu seiliedig ar effaith).
- Symud ymlaen i'r cam datblygu nesaf (e.e., cyfran o'r farchnad, elw, maint y tîm).
- Cael mynediad at gymorth arbenigol, wedi'i deilwra ar gyfer heriau a chyfleoedd.
- Meithrin hyder mewn penderfyniadau strategol (prisio, recriwtio, buddsoddi, arloesi).
- Annog gwelliant a chydweithio parhaus.
- Nodi a goresgyn rhwystrau i dwf.
- Cryfhau'r economi leol a'r gadwyn gyflenwi.
- Hyrwyddo cynaliadwyedd hirdymor, gan gynnwys arferion digidol a charbon isel.
Ymrwymiadau Allweddol:
- Diwrnod Rhagarweiniol: Yn y cnawd ar 9 Medi 2025 yn Nhŷ Glyn, Ciliau Aeron.
- Cyfres o sesiynau 1:1 gydag arbenigwyr busnes (ar-lein).
- Sesiwn hanner diwrnod/gyda'r nos (Hydref, dyddiad a lleoliad i'w gadarnhau).
- Ymweliad maes: Diwrnod i ymweld â busnesau sy'n tyfu yng Ngheredigion a'r siroedd cyfagos (mis Tachwedd).
- Digwyddiad cloi (mis Rhagfyr, dyddiad a lleoliad i'w cadarnhau).
- Dyddiad cau am geisiadau: 28 Gorffennaf 2025
Dr Helen Whiteland - SBARC Ceredigion 2024
Roedd y rhaglen SBARC yn brofiad gwirioneddol drawsnewidiol. Bu’r sesiynau mentora, yr wybodaeth, a’r cysylltiadau y gwnes i eu meithrin yn amhrisiadwy wrth fy helpu i fireinio fy syniad busnes ac ennill yr hyder i fynd amdani. Dwi’n falch iawn o weld SBARC Ceredigion yn dychwelyd gyda chymorth hyd yn oed yn fwy teilwredig, a dwi’n annog unrhyw un sydd â breuddwyd entrepreneuraidd i fanteisio ar y cyfle rhagorol hwn.
FAQ's
Mae SBARC Ceredigion yn rhaglen entrepreneuriaeth, a ariennir gan agenda Ffyniant Bro Llywodraeth y DU, i rymuso perchnogion busnesau uchelgeisiol a sefydledig yng Ngheredigion. Mae’n cynnig tair lefel wahanol o gymorth: Sbarduno, Tyfu, a Ffynnu.
Mae SBARC Ceredigion ar gyfer unigolion sy’n byw neu’n gweithio yng Ngheredigion ac sydd dros 18 oed. Mae’n darparu ar gyfer gwahanol gamau o ddatblygiad entrepreneuraidd:
- Sbarduno: Ar gyfer ysgolion a sefydliadau ieuenctid, ac unigolion sydd â diddordeb mewn entrepreneuriaeth.
- Tyfu: I’r rhai sydd wrthi’n datblygu syniad busnes neu sy’n awyddus i fynd amdani.
- Ffynnu: Ar gyfer perchnogion busnesau sefydledig sy’n awyddus i ehangu a thyfu.
- Sbarduno: Yn canolbwyntio ar ysbrydoli’r genhedlaeth nesaf o entrepreneuriaid drwy sesiynau mewn ysgolion a sefydliadau ieuenctid. Bydd sesiwn agored hefyd yn cael ei chynnal i unigolion.
- Tyfu: Yn cynnig penwythnosau preswyl dwys (gan gynnwys taith ryngwladol) a sesiynau mentora er mwyn i entrepreneuriaid uchelgeisiol ddatblygu eu syniadau busnes.
- Ffynnu: Yn cynnig rhaglen gymorth strwythuredig sy’n cyfuno cefnogaeth 1:1, cyngor arbenigol pwrpasol, hyfforddiant busnes, a sesiynau grŵp i ysgogi twf go iawn. Bydd y rhaglen ddwys hon, sydd wedi’i theilwra ar gyfer pob busnes, yn rhedeg o fis Medi tan fis Rhagfyr 2025.
Rhaid ymgeisio ar gyfer rhaglenni Tyfu a Ffynnu erbyn 9am, 4 Awst 2025. Byddwn yn derbyn ceisiadau am ymweliadau Sbarduno hyd at fis Rhagfyr.
